YA... NGENE IKI

Ya ngene iki aku
Rep dikapake meneh
Turu meneng melek mlaku
Ora kurang ora luweh

Karepmu aku dadi sampeyan
Karepku sampeyan dadi aku
Lha...terus dadine kapan?
Ora apa apa kanggoku

Aku dudu sampeyan
Ko aran ala mangga
Ko aran apik mletik
Arana sasenengmu

Lho...isih ra nrima
Sing menehi sapa?
Aku ra njaluk
Mung manthuk manthuk

We...lah ndadak kesurupan
Wayahe sih esuk ki
Wis aku arep bali
Muga dha slamet ing ndalan....

NIRUN

Arep nggarap piye?
Wis lali sinaune?
Kuatir bijine?
Paham ilmune?

Tolah toleh
Golek sing ilang
Wani angas
Wedi keweleh

Mangan jangan bung
Isin ngarep irung?
Ngapa bingung bingung
Penting bisa rampung

TENAN, ORA LIYANE

Aku melek ya melek
Aku ngeleh ya ngeleh

Aku merem ya merem
Aku wareg ya wareg

Aku nyawang ya nyawang
Aku nulis ya nulis

Mbok kira mbok kira
Kembange apa?

Turi putih turi putih
Ditandur ing kebon agung